સુરત, 20 ડિસેમ્બર : સુરત ખાતે 16થી 19 ડિસેમ્બર ના રોજ નેશનલ પાવર લિફ્ટિંગ ફેડરેશન, સ્પોર્ટ્સ અસોસિએશન ઓફ ગુજરાત અને સુરત પોલીસના સંયુક્ત ઉપક્રમે ‘નેશનલ પાવરલિફ્ટિંગ ચેમ્પિયનશીપ-2021’ યોજાઈ હતી. જેમાં 50 કિ.ગ્રા. વેઈટલિફ્ટિંગ સ્પર્ધામાં સુરતની 12 વર્ષીય દિતી રિતેશકુમાર વેકરીયાએ બાજી મારી હતી.

        ‘સ્ટોપ ડ્રગ્સ, સેવ ઇન્ડિયા’ અને 'ડ્રગ્સફ્રી યુથ'ની થીમ પર આયોજિત આ સ્પર્ધામાં સમગ્ર દેશમાંથી 800 સ્પર્ધકોએ ભાગ લીધો હતો. જેમાં 40 કિગ્રા વજન ધરાવતી 12 વર્ષીય દિતીએ 50 કિ.ગ્રા. વેઈટલિફ્ટિંગ ચેમ્પિયનશીપ જીતીને આ કેટેગરીમાં સૌથી નાની વયના સ્પર્ધક તરીકે વિજેતા બનીને સુરતનું ગૌરવ વધાર્યું છે.

અટલ રાષ્ટ્ર // ભાવેશ ત્રિવેદી // સુરત