સુરત, 19 મે : ધી સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રી અને જિલ્લા ઉદ્યોગ કેન્દ્ર, સુરતના સંયુકત ઉપક્રમે શુક્રવાર, 20મી મે, 2022ના રોજ સાંજે 5 કલાકે ‘ફાયનાન્શીયલ આસિસ્ટન્સ ટુ ઇન્ટીગ્રેટેડ લોજિસ્ટીકસ ફેસિલિટીઝ’ સ્કીમ વિશે સમૃદ્ધિ, નાનપુરા, સુરત ખાતે સેમિનારનું આયોજન કરવામાં આવ્યું છે. જેમાં જિલ્લા ઉદ્યોગ કેન્દ્ર, સુરતના ડેપ્યુટી કમિશનર ઓફ ઇન્ડસ્ટ્રીઝ એન્ડ જનરલ મેનેજર એમ.કે. લાદાણી દ્વારા ઉદ્યોગકારોને ફાયનાન્શીયલ આસિસ્ટન્સ ટુ ઇન્ટીગ્રેટેડ લોજિસ્ટીકસ ફેસિલિટીઝ સ્કીમ વિશે વિસ્તૃત જાણકારી આપવામાં આવશે. સાથે જ ઉદ્યોગકારોના વિવિધ પ્રશ્નોની પણ ચર્ચા વિચારણા કરવામાં આવશે.આ સેમિનારમાં ભાગ લેવા માટે ગુગલ લીન્ક https://bit.ly/3wGvSzg પર ફરજિયાતપણે રજિસ્ટ્રેશન કરવાનું રહેશે.

અટલ રાષ્ટ્ર ન્યુઝ // ભાવેશ ત્રિવેદી // સુરત