સુરત, 26 મે : ધી સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રી દ્વારા શુક્રવાર 27 મે,2022ના રોજ સાંજે 4 કલાકે ‘ડાયરેકટ અને ઇનડાયરેકટ ટેકસ સંદર્ભે સુપ્રિમ કોર્ટના તાજેતરના ચૂકાદા’ વિશે ઝુમના માધ્યમથી વેબિનારનું આયોજન કરવામાં આવ્યું છે. જેમાં નિષ્ણાંત વકતા તરીકે અમદાવાદના તુષાર પ્રમોદ હેમાની અને લક્ષ્મીકુમારન એન્ડ શ્રીધરન એટોર્નીઝના પાર્ટનર જિગર શાહ દ્વારા સુપ્રિમ કોર્ટના ડાયરેકટ અને ઇનડાયરેકટ ટેકસ અંગે તાજેતરના ચૂકાદાઓ વિશે પોતપોતાનું તારણ રજૂ કરવામાં આવશે.
તુષાર પ્રમોદ હેમાની દ્વારા Analysis of provisions of reassessment under the Income Tax Act – Union of India V Ashish Agarwal (2022) 138 Taxmann.com 64 વિશે એનાલિસિસ રજૂ કરવામાં આવશે. જ્યારે જિગર શાહ દ્વારા Analysis and Discussion on recent decision of Hon’ble Supreme Court – Mohit Minerals – Northern Operating System and Munjaal Manish Bhatt વિશે એનાલિસિસ રજૂ કરવામાં આવશે. આ વેબિનારમાં ભાગ લેવા માટે ગુગલ લીન્ક https://bit.ly/3PAUZfc પર ફરજિયાતપણે રજિસ્ટ્રેશન કરવાનું રહેશે.

આ વેબિનારના આયોજન માટે ધી સધર્ન ગુજરાત ઇન્કમ ટેકસ બાર એસોસીએશન, ધી સધર્ન ગુજરાત કોમર્શિયલ ટેકસ બાર એસોસીએશન, ચાર્ટર્ડ એકાઉન્ટન્ટ્‌સ એસોસીએશન– સુરત, સોસાયટી ફોર ટેકસ એનાલિસિસ એન્ડ રિસર્ચ, ઓલ ગુજરાત ફેડરેશન ઓફ ટેકસ કન્સલ્ટન્ટ્‌સ, ઇન્કમ ટેકસ બાર એસોસીએશન– અમદાવાદ અને વલસાડ ડિસ્ટ્રીકટ જીએસટી પ્રેકટીશનર્સ એસોસીએશન– વાપીનો સહકાર પ્રાપ્ત થયો છે.

અટલ રાષ્ટ્ર ન્યુઝ // ભાવેશ ત્રિવેદી // સુરત