નવી દિલ્હી, 27 ઓગષ્ટ : પ્રખ્યાત લેખિકા અને અંકશાસ્ત્રી સંગીતા શુક્લાએ દિલ્હીમાં સોસાયટી ફોર હેલ્થ એન્ડ એમ્પાવરમેન્ટ ઑફ વુમન (SHE) દ્વારા આયોજિત “વુમન ઇન લીડરશિપ કોન્ક્લેવ-2022”ના કાર્યક્રમમાં શિક્ષણ અને સાહિત્ય ક્ષેત્રે તેમના યોગદાન બદલ પ્રતિષ્ઠિત રાષ્ટ્રીય પુરસ્કાર મેળવ્યો છે.શુક્લાએ ઈન્ડિયા ઈન્ટરનેશનલ સેન્ટર ખાતે રાજ્ય સભાના સંસદ સભ્ય ગીતા શેક્યા પાસેથી એવોર્ડ મેળવ્યો હતો જેમાં વિવિધ ક્ષેત્રના અનેક મહાનુભાવો ઉપસ્થિત રહ્યા હતા.શુક્લા કટારલેખક, ગુજરાતી ભાષાના નિષ્ણાત, શિક્ષક અને જાણીતા અંકશાસ્ત્રી છે. વિવિધ વિભાગોમાં તેમના યોગદાનને SHE દ્વારા માન્યતા આપવામાં આવી હતી.
શુક્લાએ ગુજરાતી, હિન્દી અને અંગ્રેજી એમ ત્રણ ભાષાઓમાં “નરેન્દ્ર મોદી – પ્રેરણામૂર્તિ” નામનું પુસ્તક પણ લખ્યું છે. તેણીએ વડાપ્રધાન નરેન્દ્ર મોદી દ્વારા લખાયેલ પુસ્તક “જ્યોતિ પુંજ”નો ગુજરાતીમાંથી હિન્દીમાં અનુવાદ પણ કર્યો હતો.SHE દિલ્હી સ્થિત મહિલાઓની એનજીઓ છે, જે મહિલાઓ માટે અને મહિલાઓ દ્વારા આરોગ્ય અને સુખાકારી, સ્વચ્છતા, પર્યાવરણ, શિક્ષણ, સામાજિક-સાંસ્કૃતિક અધિકારો વગેરે ક્ષેત્રે કામ કરે છે.

અટલ રાષ્ટ્ર ન્યુઝ // ભાવેશ ત્રિવેદી // સુરત