સુરત, 2 જાન્યુઆરી : ધી સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રી સુરત સહિત સમગ્ર દક્ષિણ ગુજરાતના વેપાર ઉદ્યોગ સાથે સંકળાયેલા ઉદ્યોગકારોની અવેરનેસ હેતુ વિવિધ કાર્યક્રમોનું આયોજન કરે છે. જે અંતર્ગત ચેમ્બર ઓફ કોમર્સ દ્વારા કેમિકલ વેપન્સ કન્વેન્શન– હેલ્પ ડેસ્ક, આઇસીસી– વડોદરા અને નેશનલ ઓથોરિટી કેમિકલ વેપન્સ કન્વેન્શન, કેબિનેટ સેક્રેટરીએટ– નવી દિલ્હીની સાથે મળીને મંગળવાર, 3 જાન્યુઆરી, 2023ના રોજ બપોરે રઃ૦૦ કલાકે સમૃદ્ધિ, નાનપુરા, સુરત ખાતે ‘કેમિકલ વેપન્સ કન્વેન્શન’વિષય ઉપર અવેરનેસ પ્રોગ્રામનું આયોજન કરવામાં આવ્યું છે.
ઉપરોકત અવેરનેસ પ્રોગ્રામમાં નિષ્ણાંત વકતા તરીકે કેમિકલ વેપન્સ કન્વેન્શન– હેલ્ડ ડેસ્ક, આઇસીસી– વડોદરાના એડવાઇઝર રાજુ પટેલ દ્વારા કેમિકલ વેપન્સ કન્વેન્શન એકટ 2000 તથા ડેકલેરેશનના ક્રાઇટેરિયા અને તેની અગત્યતા, ડેકલેરેશન ફોર્મ ભરવા, ફાઇલ કરવા તેમજ તેને ફ્રીઝ કરવા સુધીની પદ્ધતિ વિષે જાણકારી આપવામાં આવશે. આ પ્રોગ્રામમાં ભાગ લેવા માટે ગુગલ લીન્ક https://bit.ly/3WkWXnd પર ઓનલાઇન રજિસ્ટ્રેશન કરવાનું રહેશે.

અટલ રાષ્ટ્ર ન્યુઝ // ભાવેશ ત્રિવેદી // સુરત