ગાંધીનગર,1 ફેબ્રુઆરી : ગાંધીનગર જિલ્લાના માણસા તાલુકાના સોલૈયા ગામના વતની અને સોજા હાઈસ્કૂલના સારસ્વત રાકેશ પ્રજાપતિ “રાહી”ની “India Excellence Award-23” માટે પસંદગી કરવામાં આવી છે.India News Index દ્વારા એમને આ એવોર્ડથી સન્માનિત કરવામાં આવ્યા હતા. શિક્ષણ ક્ષેત્રે સવિશેષ, ઉત્તમ, પ્રશંસનીય અને ઉત્કૃષ્ટ કામગીરી તેમજ સમાજ સશક્તિકરણ માટેના હકારાત્મક અભિગમ બદલ સોજા હાઈસ્કૂલના સારસ્વત રાકેશ પ્રજાપતિ “રાહી”ને આ પુરસ્કારથી અભિવાદિત કરવામાં આવ્યા હતા.

ભારત સરકાર દ્વારા પ્રમાણિત એક પ્રતિષ્ઠિત ગૃપ એવી India News Index સંસ્થાના ઉપક્રમે શ્રેષ્ઠ શિક્ષક એવા રાકેશ પ્રજાપતિની પસંદગી થવી એ સોજા હાઈસ્કૂલ તેમજ સોલૈયા પ્રજાપતિ પરિવાર અને સમસ્ત પ્રજાપતિ સમાજ માટે ગૌરવપ્રદ ઘટના છે.અત્રે એ ઉલ્લેખનીય છે કે રાકેશ પ્રજાપતિને એમની શિક્ષણ અને સમાજસેવાની હકારાત્મક પ્રવૃત્તિઓની ફળશ્રૃતિરૂપે અનેક રાષ્ટ્રીય અને આંતરરાષ્ટ્રીય એવોર્ડથી નવાજવામાં આવ્યાં છે. “રાહી” ગુજરાત રાજ્ય અને ભારતભરની વિવિધ સામાજિક-ધાર્મિક-શૈક્ષણિક-જાહેર સેવાભાવી સંસ્થાઓ સાથે અવિરત સેવારત છે એમ એક અખબારી યાદીમાં શાળાના આચાર્ય ભાવેશ જોષીએ જણાવ્યું હતું.

અટલ રાષ્ટ્ર ન્યુઝ // ભાવેશ ત્રિવેદી // સુરત