સુરત, 9 ફેબ્રુઆરી : ગત જાન્યુઆરી મહિનામાં નેશનલ ટેસ્ટીંગ એજન્સી (NTA) દ્વારા દેશની ટોચની એન્જીનીયરીંગ કોલેજમાં પ્રવેશ મેળવવા માટે લેવાયેલ જેઈઈ મેઈન ફેઝ 1 પરીક્ષાનું ગત દિવસોમાં પરિણામ જાહેર કરવામાં આવ્યું હતું . આ પરિણામમાં પી.પી.સવાણી સ્કૂલના પાનસુરીયા ધ્રુવ રસિકભાઈએ JEE ના પરિણામમાં99.90 PR મેળવી સમગ્ર ગુજરાતમાં પ્રથમ ક્રમ ગુજરાતી મધ્યમમાં પ્રાપ્ત કરી નામ રોશન કર્યું હતું. આ ઉપરાંત વાઘાણી કુંજ જયેશભાઈએ પણ ગુજરાતી માધ્યમમાં જ અભ્યાસ કરી 99.07 PR પ્રાપ્ત કર્યા હતા. આ ઉપરાંત 99 PR ઉપર 11 વિદ્યાર્થીઓ, 95 PR ઉપર 72 વિદ્યાર્થીઓ, 90 PR ઉપર 164 વિદ્યાર્થીઓએ સ્કોર પ્રાપ્ત કર્યો હતો.આ વિદ્યાર્થીઓની મહેનતનું રિજલ્ટ સમગ્ર ગુજરાતીઓ માટે ગૌરવની વાત બની હતી.ઝળહળતી સફળતા મેળવનારા આ દરેક વિદ્યાર્થીઓને સંસ્થાના ચેરમેન વલ્લભભાઈ સવાણી દ્વારા વિદ્યાર્થીઓને આગળના ભવિષ્ય માટે શુભકામનાઓ પાઠવી હતી. ક્વોલીફાઈડ થયેલા તમામ વિદ્યાર્થીઓની મહેનત અને કોઠાસૂઝ તથા ખંતીલા શિક્ષકોનું સમયસરનું અને સચોટ યોગ્યદીશાનું માર્ગદર્શન વિદ્યાર્થીઓની સફળતાના પર્યાય બની ગયા હતા.અને અવિરત પણે દર વર્ષની જેમ જ સમગ્ર ગુજરાતમાં પી.પી.સવાણી સેન્ટર ફોર એક્સેલન્સ અગ્રેસર રહી ખુબ જ ધમાકેદાર પરિણામ પ્રાપ્ત કરવામાં સફળતા મેળવી હતી.

ગુજરાતી ભાષામાં અભ્યાસ કરીને પણ ઉચ્ચ કારકિર્દીનો રસ્તો બનાવી શકાય છે તેમનું ઉત્તમ ઉદાહરણ પાનસુરીયા ધ્રુવ રસિકભાઈ પુરૂ પાડી સમગ્ર ભારતમાં ગુજરાતી ભાષાનું ગૌરવ વધાર્યું હતું અને ગુજરાતી માધ્યમમાં અભ્યાસ કરતા વિધાર્થીઓ માટે પ્રેરણારૂપ બન્યો છે.પી.પી. સવાણી સ્કુલમાં અભ્યાસ કરતા વિધાર્થી પાનસુરીયા ધ્રુવ રસિકભાઈ JEE MAIN 99.90 PR મેળવ્યાં હતા.JEE MAIN ના પરિણામમાં અત્યંત સામાન્ય પરિસ્થિતિમાંથી આવનાર વિધાર્થીએ 99.90 PR મેળવી સમગ્ર ગુજરાતમાં નામ રોશન કર્યું. આમ શાળાના સહકાર અને ધુવની મહેનત તથા શિક્ષકોનું સમય સરનું માર્ગ દર્શન આ તબક્કે ધ્રુવને સફળતા અપાવવામાં મહત્વની ભૂમિકા ભજવી હતી. હાલ, ધ્રુવ એમના પરિવાર સાથે અમરોલીમાં છાપરા-ભાઠા રોડ પર પ્રમુખ પાર્ક સોસાયટીમાં રહે છે. ધ્રુવ જામનગર જીલ્લાના મકરાણી ગામના વતની છે.તેના પિતા વીમા એજન્ટ છે.જયારે માતા ગૃહિણી છે.ધ્રુવનું સપનું ઇલેક્ટ્રોનીક્સ બ્રાંચમાં IIT માંથી અભ્યાસ કરવાનું છે.

અટલ રાષ્ટ્ર ન્યુઝ // ભાવેશ ત્રિવેદી // સુરત