સુરત, 4 મે : ધી સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રી અને સાઉથ ગુજરાત પ્રોડકટીવિટી કાઉન્સીલના સંયુકત ઉપક્રમે શુક્રવાર, તા.5 મે, 2023ના રોજ સાંજે 5 કલાકે સમૃદ્ધિ, નાનપુરા, સુરત ખાતે ‘રૂફ ટોપ સોલાર’વિષય ઉપર જાગૃતિ કાર્યક્રમનું આયોજન કરવામાં આવ્યું છે. જેમાં નિષ્ણાંતો દ્વારા રૂફ ટોપ સોલારના ઉત્પાદન તથા તેના ઓપરેશન અને મેઇન્ટેનન્સ વિષે તેમજ સોલાર લોન સર્વિસિસ અને કેસ સ્ટડી અંગે વિસ્તૃત માહિતી આપવામાં આવશે. સરકાર દ્વારા સૌર ઉર્જા ક્ષેત્ર ઉપર વિશેષ ધ્યાન આપવામાં આવી રહયું છે.
ગુજરાત સરકારે ઉદ્યોગ સાહસિકોને આ ક્ષેત્રે નવું સાહસ કરવા માટે પ્રોત્સાહિત કરવા ગુજરાત સૌર ઉર્જા નીતિ જાહેર કરી છે. સૌર ઉર્જા નીતિના ભાગ રૂપે રાજ્ય સરકાર પોતાના છત ઉપર સૌર પેનલ સિસ્ટમ સ્થાપવા ઇચ્છતા લોકોને વિવિધ પ્રોત્સાહન પૂરું પાડે છે. આ કાર્યક્રમનો મુખ્ય હેતુ રૂફ ટોપ સોલારના સ્થાનિક ઉત્પાદકોને પ્રોત્સાહન આપીને આત્મનિર્ભર ભારત અને મેક ઇન ઇન્ડિયા યોજનાનો લક્ષ્ય પ્રાપ્ત કરવાનો છે.આ કાર્યક્રમમાં ભાગ લેવા માટે ગુગલ લીન્ક bit.ly/3AIoOo4 પર ઓનલાઇન રજિસ્ટ્રેશન કરવાનું રહેશે.

અટલ રાષ્ટ્ર ન્યુઝ // ભાવેશ ત્રિવેદી // સુરત